يالقلـــبـ ويالعيـــنـ

ما ألوم معاذ بمسلسل 37 درجة  لما تنرفز وعصب يوم قال ان الكل يحسبون ان الدكتور قادر يسوي كل شي

الحين انا بنظر الكل صايرة سوبر وومن

بس ناقصني كيب على ظهري واطير واقول تامتاراراراراااااا

يبوني مثقفة بكل انواع المواد وما انام ولا ارتاح واجر سياره باسناني واشيل تريله باصبع ايدي الصغير

ومالي شغل ولا مشغله الا اني قاعدة ركبه ونص وألبي طلباتهم

ياناس يابشر انا بني ادمة مثلي مثلكم لي قدرات وامكانيات والاهم لي شده ومزاج يتحكمون فيني

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

لا يوجد تعليق

قبل شوي كنت انا واختي نشوف مسلسل غريس اناتومي وحدنا مندمجين بالحلقة

الحلقة كانت بائسة بكل ماتحتويه الكلمة من معنى

مو قصدي الرومانسية والحب والخيانة والفراق اللي تعودنا عليه بهالمسلسل

بس هالمرة

كان شي ثاني

عمري ماتخيلت ان البني آدم هش واي شي ممكن يخلي جسمة مثل الورقة

سهل تمزيقة وصعب تصليحه

وان هالشغلات ممكن تصيرلي باي لحظة وباي مكان

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

لا يوجد تعليق

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

لا يوجد تعليق

آشتون كوتشر قال مرة بفيلم له وهو يحرق ذكرياته ( انا اعرف من انا, لن احتاج الى بعض الاشياء لتذكرني من اكون) مدري ليش حسيت انها فقدت قوه معناها لما كتبتها بالعربي
المهم كل مرحلة بحياتنا لها اهميتها ووقعها الخاص على شخصياتنا سواء كانت مرة او حلوة فيها نعيش كل انواع الاحاسيس والمواقف واللحظات والصدمات والفرحات والبهجات وكل شي يمر على بالكم آخره ات ,نحاول نتمسك فيها بشتى الطرق لكن الزمن والنسيان كفيل انة يقطع كل يوم منها جزء صغير لما تكتشف بالاخير انها اختفت بالكامل من ذاكرتك وتقعد تحاول وتتعوذ من ابليس اللي ما اظن لة دخل بنسيانك لهذي الذكرى بس عشان تمر عليك مثل الوميض وتحس نفس الاحساس الحلو اللي كنت عايش فية باللحظة اللي تكونت هذي الذكرى.
انا للحين محتفظة بكل رسالة من صديقاتي ايام الدراسة بالمتوسط والثانوي وحتى النوتس اللي نمررها بين بعض لما بنسولف بالحصة , كتب  مرحلة 4 ثانوي , الاشعار وروايات عبير الرومانسية, كاميراتي وصور حق كل شي تطيح عيني عليه, اشرطة الكاسيت والفيديو اللي كنت احبها واسمعلها, رسوماتي ولوحاتي , هدايا صديقاتي وحتى دبدوبي وانا عمري 7 سنوات .
 من كان يتوقع ولابعد مليون سنة اني كنت احب باكستريت بويز وميسي أليوت وذا رولينغ ستونز واعشق توم كروز وبيل غيبسون واموت في اللبس الصبيك وقصات الشعر الغريبة وما اخاف من افلام الر

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

2 تعليق »

قالوا من خاف سلم
وانا اقول من خاف مات وهو حي
وايد علمونا ان الخوف مفيد
قالوا لنا ان من خاف قبل الامتحان دليل على انك مذاكر عدل والنتيجة من التوتر والرهبة ان عقلك بيكون ابيض ياورد
 لما تكون بمواجهه اسد ردة فعلك الاولى من الخوف اللي انت فية اهيا شنو؟
انك تنحاش وهذا اكبر غلط
لان اثبتت التجارب ان الاسد يخاف من اللي يخزة بعينة او يلحقة
وانك تسوي هالاشيا لازم تكون ماتعرف الخوف
ماعجبكم هالمثال
نقول مثال ثاني
واحد تحرش بوحدة بمجمع
ردة فعلها الاولى شبتكون
احقرة واسكت واهوا بيمل من نفسة ويروح ليش ؟؟خايفة لا يلزق فيها او يسوي لها حركة بايخة تخليها تكره عمرها والدنيا والساعة اللي فكرت انها تسوي شوبينق
لكن اثبتت التجارب واجتمعت الاقوال على انه راح يلزق لزقة عنزروت وماينشلع الا عن طريق الشرطة او سيكيورتي المجمع
لو انها لفت علية وعطتة هالخزة المعتبرة اللي تقولة ترى الاعصار ياك وهذي فرصتك الاخيرة انك تفركها وخلت نفسها بموقف تحدي وياه
ساعتها هو بينحاش خوفاً من بعزئة البرستيج والفضيحة جدام الضحايا المقبلات من البنات.
الخوف مانفعني باي شي من حياتي بالعكس عائقني من تحقيق وايد من طموحاتي او اني اثبت لنفسي موقف او حتى اشيل نفسي من وضع ا

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

تعليق واحد »

بـ سم الله الرحمن الرحيم

الى من اطلب غفرانة والصفح منه

تحية طيبة وبعد,,,

الى لاب توبي العزيز وولدي الغالي فلذة تسبدي (يابعد كل من قام وقعد ) , اكتب اليك هذة الرسالة لكي اعبر لك عن مايجول في خلجات صدري ( هي خلجات ولا جلخات ؟؟؟والله مدري) الوكاااااااد  انت تحملت مني الكثير وصبرت على جور الزمن ثمن جور ايدين اميمتك , فعندما كنت نووطفة قصدي لاب توب لنق توك طالع من الكرتونة تنشقت عبير الحياة ظناً منك انها ستكون منصفة بحقك فلم تعلم انة سيحكم عليك بالاعدام فور ولادتك.

<<<تبجي حرقة وألم على وليدها

ولدي العزيز على يدي لقد حرق هارد ويرك وتعومست شاشتك وراح واير شحنك فيها وتهرتقت وصلاتة واصبح الشريط اللاصق هو الحائل بينة وبين سلة الزبالة وانرضخت عدة مرات على الارض كرضخة الكورة على صدر كاكا عندما يمررها لة فيليب انزاغي بالربع الاخير من الشوط الثاني ليحرزوا الفوز بالرمق الاخير من انفاسهما (((اخلصي علينا))) , ولن اغفر لنفسي حينما صرت اثرماً وسقط حرف الـTمن كيبوردك فعلى الرايحة والجاية تاكل ضحك ومصخرة من اقرانك من اللابات

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

2 تعليق »

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

لا يوجد تعليق

 لما تخرجت من الثانوية ولمدة 3 سنوات كنت احلم نفس الحلم بشكل مستمر ويومياً من غير انقطاع ومايهم اذا كنت نايمة بالصبح او بالليل الحلم اهوا ان بيتنا اهوا بيتنا مو متغير فية شي والجو ليل وساعات يكون في مطر وساعات رعد وبرق و اهلي مو موجودين ولاجنس مخلوق على مد البصر وبيتنا مليان وحوش واشباح واسود وظباع وكل واحد يبي ينهشني من جهة او يطقني من جهه ومحد كان يدافع عني او يحميني  كنت دايم احاول اني اهرب وعلى مدى اختلاف طرق الهرب اللي حاولتها كنت افشل فكنت اقوم من الحلم مفزوعة وخايفة وبنفس الوقت زعلان

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

أرسل الإدراج

دوّن الإدراج

لا يوجد تعليق